"Мне выпала шчасце тут нарадзіцца"
Першы урок на тэму "Мне выпала шчасце тут нарадзіцца" пачаўся з літаратурна-музычнай кампазіцыі, на якую былі запрошаны і бацькі вучняў. Пасля навучэнцы сярэдніх і старэйшых класаў наведалі краязнаўчы музей, дзе быў праведзены кароткі экскурс ў гісторыю вёскі і пачалася квэст-гульня. Школьнікам трэба было прайсці шэраг "выпрабаванняў" з пошукам "ключоў" да заданняў, каб пачуць "чароўны голас анёла" і знайсці "скарб вечны" (любоў да бацькаўшчыны, да роднага краю). Малодшыя школьнікі адправіліся ў тэматычную экскурсію-паход.
Падчас правядзення першага ўроку адбыўся бацькоўскі сход, на якім кіраўніцтва ўстановы адукацыі абмеркавала шэраг пытанняў да новага навучальнага года. Напрыканцы сходу для бацькоў быў таксама арганізаваны своеасаблівы ўрок. Настаўнік Марына Яўгеньеўна Калпак пазнаёміла прысутных з асаблівасцямі карыстання сайтам установы адукацыі і адказала на шэраг пытанняў бацькоў. Выступленне педагога суправаджалася дэманстрацыяй усіх дзеянняў па карыстанню сайтам у online-рэжыме.
